जेठ ८,काठमाडौँ । सिभिल बैंकले लिडरशिप एकेडेमी नेपालसँग सहकार्य गर्ने भएको छ । “राइस युनिभर्सिटी बिजिनेस स्कूल एक्जुकेटिभ एडुकेशन” अमेरिकासँग अनुबन्धित “लिडरशिप एकेडेमी नेपाल” मानव संशाधानको वृत्ति बिकासमा केन्द्रित । तसर्थ सिभिल बैंकले आफ्ना कर्मचारीको वृत्ति बिकासको लागि यस संस्थासँग सहकार्य गर्ने सम्झौता गरेको जनाएको छ ।
सम्झौतापत्रमा सिभिल बैंकको तर्फबाट प्रमुख कार्यकारी अधिकृत गोविन्द गुरुङ र लिडरशिप एकेडेमी नेपालका सीटीओ अरुण जोशीले हस्ताक्षर गरेका छन् ।
त्यसैगरी सिभिल बैंकद्वारा औषधोपचार बिमाको दाबी रकम भुक्तानी गरेको छ । सिभिल बैंकले केहि महिना अगाडी ल्याएको “सम्मान बचत खाता” खातामा आकर्षक ब्याजको अलावा औषोधपचार खर्चमा एक लाखसम्म र दुर्घटना मृत्युमा ७ लाखसम्मको बिमा सुबिधा प्रदान गरेको थियो ।
सिभिल बैंकले “सम्मान बचत खाता“ खोलेका ग्राहकहरुको औषोधपचार खर्च बापतको बिमा दाबी रकमको भुक्तानी गरेको हो । औषोधपचार खर्चको बिमा दाबी रकम बैंकद्वारा काठमाडौँका रिकेश शाक्य, बिराटनगरका राय चन्द बोथारा र मनोज पोखरेल र लेखनाथका पार्वती बास्तोलालाई प्रदान गरेको थियो ।
