मन्त्री-सांसदलाई दशैं भत्ता नदिन आग्रह

दिपू बर्णवाल

कार्तिक २, काठमाडौ । वागमती प्रदेश सरकारले प्रदेश सभाका सांसद तथा प्रदेश सरकारका मन्त्रीहरूलाई दिएको दशैँ भत्ता कोभिड–१९ को माहामारीको समयमा दिन अनुकूल नभएकोले फिर्ता गर्न विवेकशील नेपाली दलले आग्रह गरेको छ । विवेकशील नेपाली दलका सांसदहरूले उक्त रकम नलिने घोषणा गर्दै अन्य सांसदहरूलाई पनि सोही व्यवस्था गर्न अपिल गरेको हो । विवेकशीलले शनिबार विज्ञप्ति प्रकाशित गरी कोभिड–१९ को विश्वव्यापी महामारी बढिरहेको सन्दर्भमा विवेकशील नेपालीले अनावश्यक खर्च कटौती गर्न यस अघि पनि सरकारलाई सुझाव दिँदै आएको स्मरण गराएको छ ।

वागमती प्रदेश सभामा हाम्रा सांसदहरूले महामारी अवधिभर सांसद, मन्त्री तथा सल्लाहकारहरूको तलब सुविधामा कम्तीमा २५ प्रतिशत कटौती गर्न र सांसदहरूलाई निर्वाचन क्षेत्रमा विकास गर्न भनी छुट्याइने कोष कम्तीमा २ वर्षलाई भए पनि स्थगन गर्न पटक–पटक आवाज उठाएको विज्ञप्तिमा छ ।

‘तर प्रदेश सरकारले हाम्रा आवाजहरूलाई सुनुवाइ नगरी फजुल खर्च बढाइरहेको स्थिति छ । यसैको पछिल्लो उदाहरणको रूपमा प्रदेश सांसद, मन्त्रीहरूलाई समेत दसैँ खर्च बाँड्ने कार्यलाई लिन सकिन्छ,’ विवकेशीलले भनेको छ, ‘आम सर्वसाधारण नागरिकहरु रोग र भोकले एकैसाथ तड्पिरहेको अहिलेको अवस्थामा सांसद, मन्त्रीहरूले दसैँ खर्च लिनु सर्वथा अनुचित कार्य हो ।’

संम्बन्धित समचार

Leave a Reply