भदौ १६, काठमाडौं । मंगलबार उच्च अंकले घटेको सेयर कारोबार मापक नेप्से परिसूचक बुधबार भने झिनो अंकले सुधार भएको छ । बुधबार नेप्से परिसूचक १ दशमलव १८ अंकले बढेर २ हजार ९ सय ७७ दशमलव ०२ अंकमा पुगेर रोकिएको छ ।
नेप्से परिसूचकसँगै ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ०.१७ अंकले बढेको छ । उता कारोबार रकममा भने गिरावट आएको छ । मंगलबारको तुलनामा ४ अर्ब हाराहारीमा कारोबार रकम घटेको छ ।
दिनभर भएका १ लाख ४ हजार २३४ कारोबारबाट १ करोड ७१ लाख ८२ हजार ८७१ कित्ता सेयर किनबेच भएका छन् । जसअनुसार कारोबार रकम ९ अर्ब ३५ करोड १७ लाख ९९ हजार ६ सय ५५ रुपैयाँमा रोकिएको छ ।
मंगलबार १३ अर्ब भन्दा माथिको शेयर कारोबार भएको थियो ।
