पश्चिम सेती र सेती नदी-६ परियोजना भारतीय कम्पनीलाई दिने समझदारी

भाद्र ३, काठमाण्डौ । भारतीय कम्पनी एनएचपीसी लिमिटेड इन्डियाले ७५० मेगावाटको जलाशययुक्त पश्चिम सेती जलविद्युत् आयोजना र ४५० मेगावाटको सेती नदी एसआर ६ जलविद्युत् आयोजनाको सर्वेक्षण अनुमतिपत्र पाएको छ । बिहीबार होटल सोल्टीमा भएको विशेष कार्यक्रममा पश्चिम सेती परियोजना भारतीय कम्पनीलाई दिने गरी समझदारीपत्रमा हस्ताक्षर भएको छ । लगानी बोर्ड नेपालले प्रधानमन्त्री शेरबहादुर देउबाको उपस्थितिमा समझदारीपत्रमा हस्ताक्षर गराएको हो । २३ साउन बोर्डले समझदारीपत्रको मस्यौदा स्वीकृत गरेको थियो ।

Read More

हिन्दुराष्ट्रका नाममा राप्रपाले थाल्यो चन्दा संकलन !

भाद्र ३, काठमाडौं । हिन्दुराष्ट्रको पक्षमा जनमत बढाउन भन्दै राष्ट्रिय प्रजातन्त्र पार्टी राप्रपाले चन्दा संकलन अभियान सुरु गरेको छ । प्रदेश र प्रतिनिधि सभा निर्वाचनको मुखैमा थालिएको यो अभियानलाई राप्रपाले ‘कोष वृद्धि अभियान’ भनेको छ । काठमाडौंमा बिहीबार आयोजित एक कार्यक्रममा पार्टी अध्यक्ष राजेन्द्र लिङ्देनले अभियानको घोषणा गरे । आर्थिक स्रोत व्यवस्थापनको जिम्मा महामन्त्री डा। धवल शमशेर राणालाई दिइएको छ ।

Read More

तनहुँमा करेन्ट लागेर बाबु–छोराको मृत्यु

भाद्र ३, काठमाण्डौ । तनहुँको शुक्लागण्डकी नगरपालिका–२ कोत्रेस्थित गुहेखोलामा माछा मार्ने क्रममा करेन्ट लागेर बिहीबार बाबु–छोराको मृत्यु भएको छ । उक्त घटनामा आमा घाइते भएकी छिन्। विद्युतीय तार प्रयोग गरी माछा मार्ने क्रममा करेन्ट लागेर उनीहरुको मृत्यु भएको हो। मृत्यु हुनेमा पाल्पाको निस्दी गाउँपालिका–५ घर भई शुक्लागण्डकी नगरपालिका–२ कोत्रेमा बङ्गुर फार्ममा काम गर्दै आएका २२ वर्षीय चित्रबहादुर ब्याम्बो र नौ महिनाका आदि ब्याम्बो प्रहरी नायब उपरीक्षक युवराज खड्काले जानकारी दिए। करेन्ट लागेर १९ वर्षीया दिलमाया ब्याम्बो घाइते भएकी छिन्।

Read More

परीक्षामा लापरवाही गर्नेलाई कारबाहीको माग गर्दै विश्वविद्यालयमा फेरि तालाबन्दी

भाद्र ३, काठमाण्डौ । परीक्षामा लापरवाही गर्नेलाई कारबाहीको माग गर्दै विद्यार्थीले पुनः त्रिभुवन विश्वविद्यालयमा ताला लगाएका छन् । विद्यार्थीको तालाका कारण विश्वविद्यालयको आर्थिक तथा प्रशासनिक काम प्रभावित भएको छ । पछिल्लो समय नेपाल विद्यार्थी सङ्घको अगुवाइमा त्रिविका रजिष्ट्रार, मानविकी तथा सामाजिक शास्त्र, व्यवस्थापन सङ्कायका डिन एवं केन्द्रीय लेखा र कर्मचारी प्रशासन महाशाखाको कार्यालयमा ताला लगाइएको छ । गत असार २७ गते लगाइएका ती ताला खुलाउने विषयमा त्रिवि नेतृत्व र विद्यार्थीबीच संवाद भएको छैन । तालाका कारण विश्वविद्यालयका कर्मचारीलाई तलब वितरण, बजेटअनुसार कार्यक्रम सञ्चालनका लागि अख्तियारी दिने लगायतका काम प्रभावित भएका…

Read More

आज श्रीकृष्ण जन्माष्टमी पर्व मनाईदै

भाद्र ३, काठमाण्डौ । भाद्रकृष्ण अष्टमी अर्थात् श्रीकृष्ण जन्माष्टमी। सनातन धर्मावलम्बी शुक्रबार भगवान् कृष्णको जन्मदिन मनाउँदैछन्। पुराणहरूका अनुसार द्वापरयुगमा भाद्र कृष्ण पक्षको अष्टमीको मध्यरातमा रोहिणी नक्षत्रमा भगवान् विष्णुका आठौँ अवतारका रूपमा कृष्णको जन्म भएको हो। लोकमा अधर्म बढ्दै जाँदा भगवानले विभिन्न रूप लिने क्रमअनुरूप कंसलगायत दानवको अन्त्यका लागि विष्णुले कृष्णको रूप लिएको बताइन्छ। कंसको कालकोठरीमा वासुदेव र देवकीको पुत्रका रूपमा जन्मिएका कृष्णले मथुरामा देखाएको बाललीला र महाभारत युद्धमा अर्जुनलाई दिएको गीताज्ञान प्रसिद्ध छ। आफूले कर्मअनुसार नै फल प्राप्त हुन्छ। गरिसकेको कामबारे आशक्ति राखी चिन्तित नहुनु भन्ने गीताको सन्देश छ।

Read More

जिम्बाब्वेविरुद्धको पहिलो एकदिवसीयमा भारत १० विकेटले विजयी

भाद्र ३, काठमाण्डौ । जिम्बाब्वेविरुद्धको एकदिवसीय सिरिजको पहिलो खेलमा भारत १० विकेटले विजयी भएको छ । बिहीबार सम्पन्न खेलमा जिम्बाब्वेले दिएको १९० रनको लक्ष्य भारतले ३०।५ ओभरमा बिनाविकेटको क्षतिमा पूरा गर्‍यो । उसका लागि शुभमन गिल र शिखर धवनले उत्कृष्ट ब्याटिङ गरे । ७२ बलको सामना गरको गिलले १० चौका र एक छक्कासहित अविजित ८२ रन बनाए । धवनले ११३ बलमा ९ चौकासहित नटआउट ८१ रन बनाए । त्यसअघि हरारे स्पोर्ट्स क्रिकेट क्लबमा टस हारेर पहिला ब्याटिङ गर्ने मौका पाएको जिम्बाब्वेले ४०.२ ओभरमा सबै विकेट गुमाउँदै १ सय ८९ रन…

Read More

समाजवादीले संसदीय निर्वाचनका निम्ति भदौ २० गतेभित्र उम्मेदवार टुंगो लगाउने

भाद्र २, काठमाडौँ । नेकपा एकीकृत समाजवादीले संसदीय निर्वाचनका निम्ति भदौ २० गतेभित्र उम्मेदवार टुंगो लगाउने भएको छ। मंसिर ४ मा हुने प्रतिनिधि सभा तथा प्रदेश सभा निर्वाचनमा उम्मेदवार छनौटका लागि एकीकृत समाजवादी पार्टीले ८ वटा मापदण्ड तोकेको छ। ‘हामी भदौ २० गतेभित्र उम्मेदवारको टुंगो लगाउनेछौं। त्यसका निम्ति सचिवालयले उम्मेदवार छनौट मापदण्ड पनि बनाएको छ,’ समाजवादीका उपमहासचिव जगन्नाथ खतिवडाले बताए।

Read More

नेपालमा सञ्चालित एमसीसी परियोजना अमेरिकाविरोधी देशका ठेकेदारले ठेक्का नपाउने

भाद्र २, काठमाण्डौ । नेपालमा सञ्चालित मिलेनियम च्यालेञ्ज कर्पोरेसनअन्तर्गतको परियोजनामा अमेरिकाविरोधी देशका ठेकेदार कम्पनीले ठेक्का नपाउने भएका छन् । अमेरिकाको विरोध गर्ने इरान, उत्तर कोरिया, भेनेजुयलालगायतका देशहरूका कम्पनीले ठेक्काका लागि प्रतिस्पर्धामा सहभागी हुन नपाउने भएका हुन् । एमसीए नेपालका कार्यकारी निर्देशक खड्गबहादुर विष्टका अनुसार एमसीसीले तयार गरेको मापदण्डअनुसार निश्चित देशहरूले प्रतिस्पर्धामा भाग लिन पाउँदैनन् । ती देशका ठेकेदारले नेपालमा सञ्चालन हुन लागेका ऊर्जा र सडक अन्तर्गतका परियोजनामा ठेक्कामा प्रतिस्पर्धा गर्न नपाउने भएका हुन् ।

Read More

आज शेयर बजार झन्डै २८ अङ्कले बढ्यो !

भाद्र २, काठमाण्डौ । शेयर बजार आज बिहीवार झन्डै २८ अङ्कले बढेको छ । शेयर बजार परिसूचक नेप्से आज २७ दशमलव ७२ अङ्कले बढेर दुई हजार ६८ दशमलव ४२ विन्दुमा पुगेको छ । आज सबै समूहको शेयर सामान्य बढेकोमा जलविद्युत्, फाइनान्स र माइक्रोफाइनान्स समूहको शेयर उच्च अङ्कले उकालो लागेको छ । बजार बढेसँगै कारोबारमा पनि केही सुधार आएको छ । दुई सय २० वटा कम्पनीका ५१ लाख एक हजार कित्ता शेयर दुई अर्ब पाँच करोड ७९ लाख रुपैयाँमा कारोबार भएको छ । सबैभन्दा धेरै रिडी हाइड्र्रोको १० करोड ४३ लाख…

Read More

सुन चाँदीको भाउ सामान्य घट्यो, तोलाको कति ?

भाद्र २, काठमाण्डौ । सुनको भाउ आज तोलामा ३ सय रुपैयाँले घटेको छ । हिजो तोलाको ९६ हजार २ सय रुपैयाँ रहेको सुनको भाउ आज ९५ हजार ९ सय रुपैयाँमा झरेको नेपाल सुन चाँदी व्यवसायी महासङ्घले जनाएको छ । यस्तै, चाँदी पनि आज तोलामा १५ रुपैयाँले घटेर १ हजार १ सय ९५ रुपैयाँमा कारोबार भइरहेको छ ।

Read More