Category: प्रदेश २

आश्विन २८, पर्सा । ग्यास ट्याङकरमा करिब १ सय २० केजी गाँजा बरामद भएको छ । वीरगञ्ज महानगरपालिका-२५ आइसिपि गेट नजिक रोकी राखेको भारतीय एनएल ०१ के ०७५४ नम्बरको ग्याँस बोक्ने ट्याङकरबाट करिब १ सय २० केजी अवैध लागूऔषध गाँजा बुधबार दिउँसो प्रहरीले बरामद गरेको हो । ट्याङकरमा लागूऔषध लुकाई राखेको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरीले बेवारिसे अवस्थामा उक्त गाँजा फेला पारी बरामद गरेको हो । हाल फरार रहेका ट्याङ्कर चालकको प्रहरीले खोजी गरिरहेको छ । यता झापाको भद्रपुर नगरपालिका-८ स्थित सडकबाट करिब ९ ग्राम अवैध…

आश्विन १७,सिरहा ।जनता समाजवादी पार्टीका शिर्ष नेता राजकिशोर यादव यतिबेला मधेस दौडाहामा छन् । पार्टीको संगठन विस्तार तथा प्रशिक्षणमा उनले मधेसकेन्द्रित राजनितिक गतिविधी अघि बढाएका हुन् । उनको यो सक्रियतासंगै मधेसमा एउटा तरंग सिर्जना भएको छ । यसैबीच सिरहामा विभिन्न पार्टी परित्याग गरि सयौं जनाले जनता समाजवादी पार्टी नेपालमा प्रवेश गरेका छन् । सिरहाको कल्याणपुर नगरपालिका-५ चिकनामा शनिबार आयोजित पार्टी प्रवेश कार्यक्रममा सयौं जनाले जसपा प्रवेश गरेका हुन् । जसपामा प्रवेश गर्नेहरू नेपाली कांग्रेस, एमाले र माओवादीका नेता कार्यकर्ता हुन् । यसमध्ये एकजना प्रमोद यादव कांग्रेसका वडा सभापति नै हुन्…

साउन १९,काठमाडौँ । पूर्व पश्चिम राजमार्ग अन्तर्गत सप्तरीको खडक नगरपालिकामा दुई वटा मोटरसाइकल एकआपसमा ठोक्किंदा दुई जनाको मृत्यु भएको छ । दुई जना घाइते भएका छन् । प्रहरीका अनुसार पश्चिमबाट पूर्वतर्फ जाँदै गरेको बा२ख ५६८२ नम्बरको बसलाई सोही दिशाबाट जाँदै गरेको स ११ प ४०३८ नम्बरको मोटरसाइकलले ओभरटेक गर्ने क्रममा मोटरसाइकलको बायाँ साइडको ह्यान्डिल बसको बीच भागमा ठोकिएको थियो । मोटरसाइकल बसमा ठोक्किएर अनियन्त्रित भएकै समयमा विपरीत दिशाबाट आउँदै गरेको प्र.न.२-०१-००१ प ९५५६ नम्बरको अर्को मोटरसाइकल उक्त मोटरसाइकलसँग ठोक्किएर दुर्घटना भएको प्रहरीले जनाएको छ । दुर्घटनामा स ११ प ४०३८…

बैशाख २०, जनकपुरधाम । कोरोना भाइरसको संक्रमण तीव्र रुपमा फैलिँदै गएपछि प्रदेश २ को महोत्तरी जिल्लामा पनि बुधवारदेखि लागू हुने गरी १० दिनका लागि निषेधाज्ञा जारी गरिएको छ । जिल्ला कोभिड १९ संकट व्यवस्थापन समिति डिसीसीएमसीको बैठकबाट बढदै गएको कोरोना संक्रमण रोकथाम एवं नियन्त्रणका लागि वैशाख २२ गते बुधबार बिहान ६ बजेदेखि वैशाख ३१ गते शुक्रबार राति १२ बजेसम्मका लागि जिल्लाभरि निषेधाज्ञा लगाइएको महोत्तरीका प्रमुख जिल्ला अधिकारी तीर्थराज भट्टराईले जानकारी दिएका छन् ।  

माघ १४, काठमाण्डौ । प्रदेश २ मा प्रादेशिक अस्पताल जनकपुरधामबाट कोरोना विरुद्धको खोप अभियान शुरु भएको छ । आज प्रादेशिक अस्पतालमा प्रदेश सरकारका आन्तरिक मामिला तथा कानुन मन्त्री ज्ञानेन्द्र कुमार यादवले खोप लिएर प्रदेशमा खोप अभियानको शुरु गरेका हुन् । मन्त्री यादव यस भन्दा पहिले कोरोना संक्रमित समेत भएका थिए । कानुन मन्त्री यादवपछि प्रदेशिक अस्पतालका नर्स इन्चार्ज सन्ध्या दास र अस्पतालका मेसु डा प्रमोद यादवले कोरोनाविरुद्धको खोप लिएका छन् भने बाँकी स्वास्थ्यकर्मी, सरसफाइकर्मीहरुले खोप लिन शुरु गरेका छन् ।  

माघ ११,सर्लाही । सर्लाहीको कविलासीबाट प्रहरीले हतियारसहित एक जनालाई पक्राउ गरेको छ । पक्राउ पर्नेमा सर्लाहीको गोडैता नगरपालिका–८ का ५० वर्षीय अरुण मिश्र रहेको जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक सन्तोषसिंह राठौरले जानकारी दिए । मिश्रलाई कविलासी नगरपालिका–१० चमेलीमाईबाट हतियारसहित पक्राउ गरिएको प्रहरी उपरीक्षक राठौरले जानकारी दिए । “उनको साथबाट ७।६५ एमएम लेखिएको एक थान पेस्तोल बरामद भएको छ । आवश्यक अनुसन्धान जारी छ”, प्रहरी उपरीक्षक राठौरले भने । छिमेकी देश भारतसँग खुला सिमाना रहेको प्रदेश नं २ का जिल्लामा आपराधिक गतिविधि गर्न पछिल्लो समय साना हतियार भित्रिने…

कार्तिक २६,धनकुटा । लक्ष्मी बैंकको सहायक कम्पनी लक्ष्मी लघुवित्त वित्तीय संस्था लिमिटेड शाखा कार्यालय सिंधुवा धनकुटाले संस्थामा आवद्ध मृतक सदस्यको श्रीमानलाई कर्जा बीमा रकम हस्तान्तरण गरेको छ । शाखा कार्यालयको केन्द्र नं.१६ मा आबद्ध भई बचत तथा कर्जा कारोबार गर्दै आएकी महालक्ष्मी नगरपलिका वडा नं८ की फुलमाया मादेनको मृत्यु भएको हुँदा निजको श्रीमानलाई कर्जा बीमा बापत रकम रु. १,१०,००० शाखा प्रमुख रुप नारायण लामिछानेले चेक मार्फत हस्तान्तरण गरेका छन्। संस्थाले प्रदान गर्ने बिमा तथा अन्य सेवा सुविधा बारे प्रस्ट पार्दै शाखा प्रमुखले दिवंगत मृतात्माको चिरशान्तिको कामना गर्दै शोकसन्तप्त परिवार प्रति…