काठमाडौं । नेकपा एमाले वागमती प्रदेशको पहिलो अधिवेशन चलिरहेको छ । काठमाडौंको कमलादीस्थित नेपाल प्रज्ञा–प्रतिष्ठानमा मंगलबार बन्द सत्र सुरु भएको छ । बन्द सत्र सुरु हुनुअघि अध्यक्ष मण्डल गठन गरिएको छ । गुरु बरालको नेतृत्वमा ११ सदस्यीय अध्यक्ष मण्डल बनाइएको हो । बराल पार्टीको वागमती प्रदेश इन्चार्ज हुन् । अध्यक्ष मण्डलले सर्वसम्मत नेतृत्वका लागि प्रस्ताव गर्नेछ । त्यसमा सहमति नभए निर्वाचन प्रक्रिया अघि बढाइने पार्टीले जनाएको छ । सोमबार भृकुटीमण्डपमा अधिवेशन उद्घाटन गरिएको थियो । उद्घाटन सत्रमा पार्टी अध्यक्ष केपी शर्मा ओलीलगायत नेताले सम्बोधन गरेका थिए । अधिवेशनबाट सकेसम्म सर्वसम्मत…

असोज ९, काठमाडौँ । असोज १२ गते बस्ने गरी बोलाएको राष्ट्रिय सभा बैठक स्थगित भएको छ ।सङ्घीय सांसदका महासचिव डा भरतराज गौतमले १२ गतेको बैठक विशेष कारणवश बस्न नसक्ने भएकाले दिन र समय परिवर्तन भएको जानकारी दिए । उनका अनुसार अध्यक्षले असोज १८ गते दिनको १ बजेलाई अर्को बैठक निर्धारण गरेका छन् ।

असोज ९, काठमाडौँ । सत्तारुढ दल नेपाली कांग्रेसको संसदीय दलको बैठक बस्दै छ । बैठक आज दिउँसो १ बजे नयाँ बानेश्वरमा बस्नेछ ।बैठकमा प्रतिनिधि सभामा विचाराधीन विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक, २०८० बारे छलफल हुने भएको छ । सङ्घीय संसद् राष्ट्रिय सभा र प्रतिनिधि सभाका सदस्य, विषय विज्ञ र सरोकारवाला निकायबीच छलफल तथा अन्तरक्रिया गर्ने कांग्रेसको तयारी छ ।

असोज ९, काठमाडौँ । वार्षिक बजेटको व्यवस्था अनुसार नयाँ कम्पनी दर्ता तथा पुँजी वृद्धिमा शुल्क नलाग्ने व्यवस्था कार्यान्वयनमा आएको छ ।उद्योग वाणिज्य तथा आपूर्ति मन्त्रालयले राजपत्रमा सोमबार सूचना प्रकाशन गर्दै सो व्यवस्था कार्यान्वयन भएको जनाएको हो । साउन १ गतेदेखि नै बजेटको व्यवस्था कार्यान्वयनमा आउनुपर्ने भए पनि तयारी नपुगेको भन्दै कार्यान्वयनमा ढिलाइ भएको थियो । आर्थिक ऐन २०८० को दफा १८ १ ले कम्पनी दर्ता र पुँजी वृद्धिमा लाग्ने शुल्कमा पूर्ण छुटको व्यवस्था गरेको छ । चालु वर्षको तेस्रो महिना प्रारम्भ भएपछि सो व्यवस्था कार्यान्वयनमा आएको हो । सूचना अनुसार…