३१ बैशाख २, अछाम । अछामका दुई वडामा पुन मतदान हुने भएको छ । साँफेबगर नगरपालिका १३ बाब्ला र पञ्चदेवल बिनायक नगरपालिका ५ लयाटीमा पुन मतदान हुने भएको हो ।
निर्वाचन आयोगले दुबै स्थानीय तहका निर्वाचन अधिकृतलाई पुन मतदान गराउन निर्देशन दिएको छ । निर्वाचन आयोगले पठाएको निर्देशन अनुसार सोहि अनुसार पुन मतदान हुने सूचना जारी गरेको साँफेबगर नगरपालिकाका निर्वाचन अधिकृत याम नारायण गौलीले बताए ।
बाब्लाको राष्ट्रिय माविको ‘क’ र ‘ख’ केन्द्र र लयाँटीको नवज्योति माविमा पुनः मतदान गर्न आयोगले निर्देशन पठाएको हो। स्थानीय तह निर्वाचन ऐन २०७३ को दफा ४० अनुसार पुनः मतदान गर्ने व्यवस्था मिलाउन अधिकृतलाई भनिएको छ।