तीजको गीतमा अभद्र र द्विअर्थी अपाच्य शब्द नराख्न प्रतिष्ठानको अनुरोध

  • अनलाइन केन्द्र
  • / मनोरञ्जन /
  • २०७९ अषाढ १६, बिहिबार (२ साल अघि)
  • १४ पटक पढिएको
Post Thumbnail

काठमाडौं ।  राष्ट्रिय लोक तथा दोहोरी गीत प्रतिष्ठानले । तीज गीतमा अभद्र र द्विअर्थी अपाच्य शब्द नराख्न अनुरोध गरेको छ । नजिँकिदै गरेको तीज पर्वलाई मध्यनजर राख्दै प्रतिष्ठानले तीजका गीतमा हुने उच्छृङ्खलता रोक्न यस्तो अनुरोध गरेको हो ।

तीज गीतका नाममा सामाजिक सद्भाव असर पर्ने अभद्र द्विअर्थी लाग्ने किसिमको गीत बजारमा नल्याउन आग्रह गरेको छ। प्रतिष्ठानका अध्यक्ष रमेश बिसीले जारी गरेको विज्ञप्तिमा पछिल्ला केही समयमा तीज गीतको नाममा विकृति बढ्दै गएको गुनासो बढेको श्रोताका गुनासालाई ध्यानमा राखेर प्रतिष्ठानले यस्तो आग्रह गरेको जानकारी दिइएको छ ।
‘यस वर्ष पनि प्रतिष्ठानको गम्भीर ध्यानाकर्षण भएको छ’, प्रतिष्ठानले जारी गरेको जारी विज्ञप्तिमा भनिएको छ।  ‘सर्जक, गायक, गायिका, उत्पादक, रेकर्डिङ स्टुडियो, श्रव्यदृश्य निर्माणकर्ता एवं वितरकमा सामाजिक सद्भावमा खलल पुर्‍याउने एवं अभद्र र द्विअर्थी अपाच्य शब्द सामग्री प्रयोग गरी संस्कृति बिगार्ने खालका गीतसंगीत प्रस्तुत नगर्न नगराउन आग्रह गर्छौँ।
साथै संस्थागत आग्रहलाई वास्ता नगरेमा  साधारण सदस्यता लगायत संस्थागत सेवाबाट समेत बञ्चित गर्ने चेतावनी समेत प्रतिष्ठानले दिएको छ ।

ताजा अपडेट

खोजी गर्नुहोस