असोज १५, काठमाण्डौ । पाँच दलीय सत्ता गठबन्धनलाई निर्वाचन क्षेत्रमा चुनौती दिन विपक्षी दल नेकपा एमालेले राष्ट्रिय प्रजातन्त्र पार्टी राप्रपा र लोकतान्त्रिक समाजवादी पार्टी लोसपासँग चुनावी गठबन्धन गर्ने अन्तिम तयारी गरेको छ । यद्यपि राप्रपा र लोसपा दुवैले धेरै सिट दाबी गर्दा उनीहरूसँग चुनावी तालमेल गर्न पनि एमालेलाई हम्मे परेको छ ।
एमालेका एक स्थायी समिति सदस्यका अनुसार प्रतिनिधि सभामा राप्रपालाई देशभर ६–७ सिट दिन एमाले अध्यक्ष केपी ओली तयार छन्। तर राप्रपाले भने १०–१२ सिट दाबी गरिरहेको छ।