असोज १७, मकवानपुर । पूर्वपश्चिम राजमार्ग अन्तर्गत हेटौंडा उपमहानगरपालिका-१५ चुरियामाई मन्दिर नजिकैको खण्डमा रात्रि बस दुर्घटना हुदा दुई जनाको मृत्यु भएको छ । बसमा सवार अन्य ३६ जना घाइते भएका छन् ।
काठमाडौंबाट दमक तर्फ जाँदै गरेको ना ७ ख २०३२ नम्बरको रात्रि बस आफै अनियन्त्रित भई आइतबार राति नालीमा खसेर दुर्घटना भएको हो ।
दुर्घटनामा बसमा सवार झापाको दमक-५ का ६० वर्षीय दिल्लीबहादुर दर्जी र मोरङ जिल्ला बेलबारी-८ काअन्दाजी ५१ वर्षीय कल्पना राजबंशीको मृत्यु भएको प्रहरीले जनाएको छ । दुर्घटनामा घाइतेमध्ये ३० जना हेटौंडा अस्पतालमा उपचारपछि घर फर्किएका छन् ।
थप उपचारका लागि तीन जनालाई भरतपुर, २ जनालाई काठमाडौँ पठाइएको छ भने एक जनाको हेटौंडामैं उपचार भैरहेको प्रहरीले जनाएको छ ।