फागुन ३०, नुवाकोट । नुवाकोटको ढुंगेवजारमा गएराती भएको लागलागीमा परि दुईवटा पसल पुर्णरुपमा नष्ट भएको छ । विदुर नगरपालिका १ ढुंगेवजारमा मध्यराती आगलागी हुँदा करौंडौं रुपैया बराबरको धनमाल नष्ट भएको छ । स्थानीय सुरेश श्रेष्ठको किराना पसल र रामेश्वर अधिकारीको प्लाष्टिक सामग्री पसलमा आगलागी भएको हो ।
मध्यराती पौने १२ वजे अधिकारीको प्लाष्टिक सामग्री पसलमा आगो लागिरहेको स्थानीयवासीले देखेपछि गुहार मागेपछि अन्यले जानकारी पाएका थिए । यस्तै सँगै जोडिएको सुरेश श्रेष्ठको किराना पसलसमेत जलेर नष्ट भएको छ ।
प्लाष्टिक तथा खाद्य सामग्री पसलमा लागेको आगो स्थानीयवासी, प्रहरी, सशस्त्र प्रहरी, नेपाली सेना तथा दमकलको प्रयासमा दुई घण्टापछि नियन्त्रणमा आएको थियो । आगजनीको कारण खुल्न सकेको छैन भने यस सम्वन्धमा विशेष अनुसन्धान भइरहेको जिल्ला प्रहरी कार्यालय नुवाकोटले जनाएको छ ।
