प्रभु बैंकको नाफा चार अर्बभन्दा बढी, यस्ता छन् अन्य सूचक

साउन २१, काठमाण्डौँ । गत आर्थिक वर्ष २०८०/०८१ को चौथो त्रैमास अर्थात् असार मसान्तसम्ममा प्रभु बैंकको खुद नाफा उल्लेख्य मात्रामा बढेको छ ।

समीक्षा अवधिमा बैंकले ४ अर्ब ४८ करोड रुपियाँ खुद नाफा कमाएको छ । यो अघिल्लो आवको सोही अवधिको तुलनामा १४९९.०४ प्रतिशतले बढी हो । बैंकले अघिल्लो आवमा खुद नाफा २८ करोड कमाएको थियो ।

असार मसान्तसम्म बैंकको प्रतिशेयर आम्दानी पनि उल्लेख्य बढेको छ । यस अवधिमा बैंकको यस्तो आम्दानी १७.८४ पैसा बढेको छ भने वितरणयोग्य मुनाफा १ अर्ब २२ करोड रुपियाँ रहेको छ।