माछापुच्छ्रेले कमायो एक अर्ब २५ करोड नाफा, प्रतिशेयर आम्दानीमा भने गिरावट

साउन २१, काठमाण्डौँ ।  माछापुच्छ्रे बैंकले गएको आर्थिक वर्षमा एक अर्ब २५ करोड रुपियाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा २३.०९ प्रतिशत कम हो ।

बैंकले सोमबार सार्वजनिक गरेको गत आवको अपरिष्कृत वित्तीय विवरणअनुसार नाफामा गिरावट आएको हो । बैंकले अघिल्लो आर्थिक वर्षको सोही अवधिमा एक अर्ब ६२ करोड रुपियाँ खुद नाफा कमाएको थियो ।

समीक्षा अवधिमा बैंकको खराब कर्जा ०.८६ प्रतिशतबाट बढेर १.५६ प्रतिशत पुगेको छ । नाफासँगै बैंकको प्रतिशेयर आम्दानी पनि घटेको छ। यस अवधिमा बैंकको प्रतिशेयर आम्दानी ५ रुपियाँ ९ पैसा घटेर १० रुपियाँ ७६ पैसामा घटेको छ । गएको असार मसान्तसम्ममा बैंकको प्रतिशेयर नेटवर्थ १४८ रुपियाँ ८० पैसा र मूल्य आम्दानी अनुपात १८.५९ गुणा रहेको छ ।