कालिमाटी बजारमा आज : तरकारीको मूल्य कति ? (सुचिसहित)

भाद्र ७, काठमाडौँ । कालीमाटी फलफूल तथा तरकारी बजार विकास समितिले आज शुक्रबारको मूल्यसूची प्रकाशित गरेको छ । जसअनुसार आज कुरीलोको भाउ करिब १२७ रुपैयाँले घटेको छ । यसअघि कुरीलो प्रतिकेजी ३७६ रुपैयाँ ६७ पैसा रहेकोमा आज घटेर २५० रुपैयाँमा झरेको छ ।

यसैगरी, स्थानीय काउलीको भाउ प्रतिकेजी ८५ रुपैयाँबाट घटेर ७६ रुपैयाँ ६७ पैसा कायम भएको छ भने स्थानीय ज्यापु काउलीको भाउ प्रतिकेजी ११० रुपैयाँबाट घटेर ९६ रुपैयाँ ६७ पैसामा झरेको छ ।

त्यस्तै, डल्लो भन्टा प्रतिकेजी ५५ रुपैयाँबाट घटेर ४५ पैसा, तने बोडी ७५ रुपैयाँबाट घटेर ६८ पैसा, लोकल घिउ सिमी ८५ रुपैयाँबाट घटेर ७० रुपैयाँ, हाइब्रीड सिमी ७० रुपैयाँ, राजमा घिउ सिमी १५० रुपैयाँ, भटमासकोशा १२५ रुपैयाँ, तितो करेला ३५ रुपैयाँ कायम भएको छ ।
यसैगरी, लोकल परवरको भाउ प्रतिकेजी ७५ रुपैयाँबाट घटेर ६६ रुपैयाँ, तराई परवर ६५ रुपैयाँ, लोकल काक्रो प्रतिकेजी ५५ रुपैयाँ र हाइब्रीड काक्रो प्रतिकेजी २८ रुपैयाँ ३३ पैसा तोकिएको छ ।

यसैगरी, गाजर, बन्दा, चुकुन्दर, न्यूरोलगायतको भाउ भने आज बढेको छ । लोकल गाजरको भाउ बढेर १०६ रुपैयाँ, तराई गाजर ८५ रुपैयाँ, लोकल बन्दा ६५ रुपैयाँ, ब्रोकाउली १८० रुपैयाँ पुगेको छ ।

त्यस्तै, न्यूरो प्रतिकेजी ८६ रुपैयाँ ६७ पैसा, चुकुन्दर ७६ रुपैयाँ ६७ पैसा, रातो बन्दा ११६ रुपैयाँ ६७ पैसा, सेतो आलु ५४ रुपैयाँ ५० पैसा, सुकेको प्याज ९८ रुपैयाँ पुगेको छ ।

विस्तृत तालिकामा हेर्नुस्