ट्रम्पको अर्को अप्रिय निर्णय : मानव अधिकार परिषद्बाट अमेरिका अलग

असार ६,काठमाडौँ । ‘राजनीतिक पूर्वाग्रहरूपी फोहोर थुपार्ने खाल्डोु भएको भन्दै अमेरिकाले संयुक्त राष्ट्रसंघको मानव अधिकार परिषद्बाट अलग भएको घोषणा गरेको छ।

राष्ट्रसंघका लागि अमेरिकी राजदूत निक्की हेलीले भनिन्, ‘पाखण्डी र आफ्नै सेवा गर्ने निकायले मानव अधिकारलाई मजाक बनाएको छ।’

उनले परिषद्का सदस्य राष्ट्रहरूले आफूकहाँ हुने मानव अधिकार उल्लघंनका घटनाबाट ध्यान मोड्न राम्रो अवस्था भएका देशहरूलाई निशाना बनाउने गरेको आरोप समेत लगाइन्।

गत वर्ष राजदूत हेलीले राष्ट्रसंघको मानव अधिकार परिषद् ुइजरेलप्रति सधैँ पूर्वाग्रहीु भएको आरोप लगाउँदै अमेरिकाले आफ्नो सदस्यताबारे पुनर्विचार गरिरहेको बताएकी थिइन्।

सन् २००६ मा गठित जिनिभास्थित मानव अधिकार परिषद्ले मानव अधिकारको अवस्थाबारे प्रश्न उठाउन मिल्ने मुलुकहरूलाई पनि आफ्नो सदस्य बन्न दिएकोमा आलोचना खेप्दै आएको छ।

इजरेलप्रति राष्ट्र संघ पक्षपाती : अमेरिका

युनेस्कोबाट अलग हुने अमेरिका–इजरेलको घोषणा तर अधिकारकर्मीहरू भन्छन्, विश्वभरि मानव अधिकार उल्लंघनका घटनाहरूको निरीक्षण र सम्बोधन गर्ने प्रयासमा अमेरिकाको पछिल्लो कदमले आघात पुर्‍याउन सक्छ।