धादिङको बेनिघाट रोराङ गाउँपालिकाले लगाउने बृहत् भागवत सप्ताह ज्ञान महायज्ञको प्रचार तिब्र

माघ २, बेनिघाट । धादिङको बेनिघाट रोराङ गाउँपालिकाले लगाउने भागवत सप्ताह ज्ञान महायज्ञको प्रचार अहिले तिब्र रुपमा भईरहेको छ । बेनिघाट रोराङ ७ चरौँदीमा श्रीमद् भागवत ज्ञान महायज्ञ आयोजना गर्न लागीएको हो । आवासीय विद्यालय सञ्चालनका लागि कोष खडा गर्न बेनीघाट रोराङ गाउँपालिकाको आयोजनामा श्रीमद् भागवत ज्ञान महायज्ञ हुने भएको हो । गाउँपालिकाको आयोजनामा माघ १७ गतेदेखि २३ गते सम्म महायज्ञ हुनेछ ।

बेनीघाट रोराङ रोराङ गाउँपालिकाको शैक्षिक सुधार र समतामुलक शैक्षिक पहुँचलाई केन्द्रमा राखी अघि बढीरहेको र वडा नम्बर ८ मा सात वटा विद्यालयलाई एकिकृत गरि कालिका आवासिय विद्यालय सञ्चालन गरिएको गाउँपालिका अध्यक्ष कृष्ण बहादुर थपलिया विवेकले बताए ।

उच्च कुपोषण भोकमरी र बालबालिकाले विद्यालय छाड्ने दर जस्ता चनौतिसँग जुधिरहेको यस बेनघिाट रोराङ गाउँपालिकाको शैक्षिक गुणस्तर सुधार र समतामुलक शैक्षिक पहुँचलाई केन्द्रमा राखी अगाडी बढीरहेको छ । कुपोषण र भोकमरीको अन्त्य, गुणस्तरीय शिक्षामा समतामुलक पहुँचको सुनिश्चितताको लागि महायज्ञ आयोजना गरिएको हो ।

परम्परागत सोच र सोही बमोजिम अवलम्बन गरिएका कार्यशैलीले नतिजा दिन सक्ने अवस्था नरहेकाले फरक ढंगको सोचका साथ रणनितिक रुपमा स्रोत व्यवस्थापनको विकल्प खोजीनुपर्ने निष्कर्ष सहित कार्यक्रम आयोजना गरिएको गाउँपालिकाले जनाएको छ ।

राधिका दासीको मुखारविन्दबाट कथा वाचन हुने छ । कार्यक्रममको मुल समारोह समिति, उपसमिति र वडास्तरीय सहजीकरण समिति निर्माण भई काम तयारीको काम भइरहेको छ ।

#बृहत् भागवत सप्ताह ज्ञान महायज्ञ