असार २१,काठमाडौँ । सत्तारुढ नेपाल कम्युनिष्ट पार्टी नेकपाको विद्यार्थी संगठन अनेरास्ववियुले भारतबाट ल्याइने तरकारीको विषादी परीक्षण स्थगित गर्ने सरकारी निर्णयको विरोध गरेको छ ।
अनेरास्ववियुका सहसंयोजक रञ्जित तामाङले निकालेको विज्ञप्तिमा यो निर्णयले सरकार र सरकारी निकाय विदेशीको अनुचित दबाबमा परेको शंका उत्पन्न भएको भन्दै सरकारले भारतीय तरकारीको विषादी परिक्षण गरेर मात्रै आयात गर्नुपर्ने उल्लेख गरिएको छ ।