काठमाडौं जिल्लाको कीर्तिपुरस्थित नेपाल ए.पी.एफ.स्कुलका छात्राका लागि भारतद्वारा भवन निर्माण

पौष ७, कीर्तिपुर । काठमाडौं जिल्लाको कीर्तिपुरस्थित नेपाल ए.पी.एफ.स्कुलका छात्राका लागि भारतले छात्रावास भवन बनाई दिएको छ । यसै अबसरमा भारतीय राजदूतावासका नियोग उप–प्रमुख डा. अजय कुमारले आईतबार सोहि भवनको  द्घाटन गर्नुभएको थियो । काठमाडौं जिल्लाको नेपाल ए.पी.एफ.स्कुलका छात्राका लागि निर्माण गरिएको छात्रावास भवनको पचारिक उद्घाटन कार्यक्रममा नेपाल सशस्त्र प्रहरी बलका अतिरिक्त महानिरीक्षक रामशरण पौडेल लगायत राजनीतिक, सामुदायिक नेतृत्वकर्ताहरुको उक्त समारोहमा उपस्थिति रहेको थियो । सन् २००५ मा स्थापित यस नेपाल ए.पी.एफ.स्कुल नेपाल सशस्त्र प्रहरी बल अन्तर्गत रहेको सशस्त्र प्रहरी बल कल्याणकारी सेवा केन्द्रद्वारा निर्माण गरिएको शैक्षिक संस्था हो ।

Press Release

यो विद्यालय काठमाडौंको कीर्तिपुर नगरपालिका चम्पादेवी–७ मा अवस्थित रहेको छ,जसमा २१ प्रतिशत भन्दा बढी छात्राहरु रहेका छन् । यो परियोजनाको कार्यान्वयन नेपाल सशस्त्र प्रहरी बलले नै गरेको हो । भारत सरकारको ४.०४२ करोड नेपाली रुपैंया अनुदान सहयोगमा निर्मित यस दुई तल्ले नयाँ संरचनामा वार्डेनका लागि एउटा छुट्टै कक्ष, शयन कक्ष, प्रत्येक तलामा छात्राका लागि फर्निचरका साथै स्नानघर, सरसफाईको सुविधा सहित ३२ वटा कोठाहरु रहेका छन् । यस नवनिर्मित संरचनाले विद्यार्थीहरुको सिकाई वातावरणलाई अभिवृद्धि गर्ने अपेक्षा गरिएको छ । भारत सरकारले यस परियोजनासँग जोडिन पाएकोमा खुशी व्यक्त गरेको छ । साथै शिक्षाको क्षेत्रमा पूर्वाधार अभिवृद्धि गर्न नेपाल सरकारले गरेको प्रयासको सराहना पनि गरेको छ ।