साउन ९,काठमाडौँ । कानून, न्याय तथा संसदीय मामिलामन्त्री शेरबहादुर तामाङको राजीनामासँगै नयाँ मन्त्रीको चर्चा सुरु भएको छ । नेपाल कम्युनिष्ट पार्टीले यसबारे औपचारिक निर्णय गरिसकेको छैन ।
तर नेताहरुबीच भानुभक्त ढकाल र कृष्णभक्त पोखरेलमध्ये एक जनालाई मन्त्री बनाउने विषयमा छलफल भइरहेको स्रोतले जानकारी दिएको छ । स्रोतका अनुसार भरे, भोलि नै दुई जनामध्ये एकको बारेमा निर्णय गरेर शपथ खुवाउने तयारी छ ।
तत्कालीन एमालेका नेता ढकाल मोरङ क्षेत्र नम्बर ३ र पोखरेल चितवन क्षेत्र नम्बर २ बाट निर्वाचित सांसद हुन । विवादस्पद अभिव्यक्ति दिएको भन्दै आलोचना भएपछि तामाङले मंगलबार पदबाट राजीनामा दिएका थिए ।