माघ २७, काठमाण्डौ । नेपाली काँग्रेसका नेता डा शेखर कोइरालाले चीनको हुपै प्रान्तमा रहेका १८१ नेपालीलाई स्वदेश फर्काउन सरकारसँग माग गरेका छन् । कोइरालाले समाजिक सञ्जालमा लेख्दै संक्रमणको त्रासले हप्तौंदेखि कोठाभित्र निसास्सिएका आफ्ना नागरिकलाई तुरुन्त स्वदेश फर्काउन सरकारसँग माग गरेका हुन् ।
कोरोना भाइरसबाट जोगिन संघर्षरत उनीहरुले घर फर्कन सरकार गुहारेको र परिवारको ब्याकुलताका समाचारले आफूलाई दुखी बनाएको उनले लेखेका छन् । उनले सरकार संवेदनशील नभएकोप्रति आपति जनाउँदै आफ्ना नागरिकलाई राज्यको अनुभुति दिलाउन पहल गर्न पनि सरकारसँग आग्रह गरेका छन् ।