फाल्गुण ३, काठमाण्डौ । विश्वभर कोरोना–भाइरसबाट संक्रमित हुनेको संख्या झण्डै ६७ हजार पुगेको छ । चिनियाँ स्वास्थ्य आयोगका अनुसार शुक्रबार मध्य रातीसम्म चीनभित्र ६६,४९४ मा कोरोनाभाइरस भेटिएको छ । त्यस्तै चीनबाहिर विश्वभर संक्रमित हुनेको संख्या ५०५ भन्दा बढी छ । शुक्रबार दिनभर चीनमा मात्र २६४१ नयाँ संक्रमित भेटिएका छन् ।
तीमध्ये २४३० नयाँ संक्रमित कोरोनाभाइरस प्रकोपको केन्द्र हुबेईका थिए । शुक्रबारसम्मको नयाँ संक्रमित जोडेर हुबेई प्रान्तमा रोनाभाइरसबाट संक्रमित हुनेको संख्या ५४ हजार ४०६ पुगेको छ । शुक्रबार मध्य–रातीसम्म कोरोनाभाइरस संक्रमितको संख्या चीनभित्र २६४१ देखिएको छ ।
उता कोरोनाभाइरसकै कारण मर्नेको संख्या विश्वभर १५२६ पुगेको छ जसमध्ये १५२४ चीनका ९एक जना हङकङ स्वशासित क्षेत्रसमेत० र बाँकी दुई जना अन्य देशका हुन् । उता उपचारबाट सन्चो भएर घर फर्कनेको संख्या पनि बढेको छ ।
चीनको स्वास्थ्य निकायले बताए अनुसार शुक्रबारमात्रै १३७३ विरामी घर फर्किएका छन् । योसगै उपचार भएर घर फर्कने कोरोनाभाइरस संक्रमितको संख्या ८०९६ पुगेको छ । उता हुबेईभन्दा बाहिर चीनकै अन्य प्रान्त नयाँ संक्रमित देखिने दरमा कमी आइरहेको छ ।
