एमसिसि संशोधन गर्नुपर्ने कार्यदलको निष्कर्ष, प्रधानमन्त्री ओलीलाई प्रतिवेदन हस्तान्तरण

फाल्गुण ९, काठमाण्डौ । एमसीसी अध्ययन कार्यदलले यथास्थितिमा एमसीसीको नेपाल कम्प्याक्ट संसदबाट पारित गर्न नहुने निष्कर्ष निकालेको छ । अध्ययनका लागि दोस्रो पटक १० दिन समय पाएको कार्यदलले नेकपा अध्यक्ष एव प्रधानमन्त्री केपी शर्मा ओलीलाई उक्त निष्कर्षसहित प्रतिवेदन शुक्रबार बुझाएको हो ।

स्रोतकाअनुसार कार्यदलले पहिले र दोस्रोपल्ट गरी पाएको २० दिनको अध्ययनको यो निष्कर्ष छ। कार्यदलले यो निष्कर्ष निकाले पनि प्रधानमन्त्री ओली र कार्यदलको सदस्य समेत रहेका परराष्ट्रमन्त्री प्रदीप ज्ञवालीले कार्यदलको काम अध्ययन गर्ने मात्रै भएको, ससदबाट पेश भइसकेको एमसीसी सभामुखले टेबल गरेको दिन पास हुने बताएर कार्यदलको औचित्य समाप्त भएको सन्देश दिइसकेका छन् ।

एमसीसी अमेरिकी इन्डो प्यासिफिक रणनीतिको अग भएको र यथास्थितिमा एमसीसी पास गर्न नहुनेमा नेकापा केही नेताहरूले अडान लिएपछि त्यसबारे स्पष्ट हुन कार्यदल गठन गरिएको थियो ।