काठमाडौं । फ्रेन्चाइज सिङगिङ रियालिटी–सो नेपाल आइडल सिजन–३ का विजेताले नगद रु। ५० लाख प्राप्त गर्ने भएका छन् । नेपाल आइडल फष्ट रनर अपले १० लाख र सेकेन्ड रनरअपले ५ लाख प्राप्त गर्नेछन् ।
यस्तै उत्कृष्ठ तीन जनाले वल्र्ड टुरको अवसर पाउने नेपाल आइडलले जनाएको छ ।
नेपाल आइडलमा अहिले ६ प्रतिस्पर्धी बाँकी छन् । नेपाल आइडलमा विगतमा झैं यो सिजनमा पनि न्ह्यू वज्राचार्य, कालीप्रसाद बास्कोटा र इन्दिरा जोशी निर्णायक छन् ।