चैत्र २५, काठमाण्डौ । कोरोनाभाइरसलाई कुनै खोप वा असरदार उपचारविना निर्मूल पार्न नसकिने अमेरिकाका अग्रणी सरुवा रोग विशेषज्ञ तथा ह्वाइट हाउस कोरोनाभाइरस टास्क फोर्सका प्रमुख डा एन्थोनी फाउचीले बताएका छन् ।
सोमवार आयोजित एक पत्रकार सम्मेलनमा डा फाउचीले भने, ‘असरदार उपचार वा खोप नपाउन्जेल कोरोनाभाइरस फैलिनुभन्दा अघिको स्थितिमा अमेरिका शायद पुग्ने छैन ।’ जोन्स हप्किन्स विश्वविद्यालयको आँकडाअनुसार, अमेरिकामा ११ हजार मानिसको मृत्यु कोरोनाकै कारण भइसकेको छ ।