वैशाख ३०, काठमाण्डौ । सत्तारुढ दलभित्रको विवाद र कोरोना महामारीको कारण आगामी असार १६ गतेदेखि सुरु हुने घोषणा गरिएको मिलेनियम च्यालेन्ज कर्पोरेसन एमसीसीको परियोजना स्थगित हुने निश्चित भएको छ ।
एमसीसी अनुमोदनबारे अझै अन्योल रहेपछि र कोरोनो महामारीको कारण एमसीसीअन्तर्गत निर्माण सुरु गर्न लागिएको सडक र ऊर्जा परियोजनाको निर्माण कार्य स्थगित हुने निश्चित भएको हो । तर स्थगित गर्ने निर्णय भएपनि एमसीसी कार्यान्वयन गर्न गठित मिलेनियम कर्पोरेसन एकाउण्ट एमसीए नेपालले गरिसकेको छैन ।