जेठ २५, दाङ । दाङको बेलझुण्डीको कोरोना बिषेश अस्पतालमा उपचार गरिरहेका १० जना घर फर्किएका छन् । जिल्ला कोरोना फोकल पर्सन कमल चन्दका अनुसार बाँकेका ५, बर्दियाका १, कपिलवस्तुका २ र दाङका २ जना आइतबार डिस्चार्ज्ड भएका हुन् । दाङको घोराही उपमहानगरपालिका र गढवा गाउँपालिकाका १,१ जना डिस्चार्ज्ड भएका चन्दले जानकारी दिए ।
स्रोतका अनुसार आइतबार डिस्चार्ज्ड भएकामध्ये ५ जनाको कोरोना रिपोर्ट पोजेटिभ नै आए पनि डिस्चार्ज्ड गरिएको छ । स्वास्थ्य मन्त्रालयको निर्देशिकाअनुसार रिपोर्ट पोजेटिभ नै रहे पनि ५ जनालाई डिस्चार्ज्ड गरिएको शर्माले जानकारी दिए ।