भाद्र ८, काठमाडौं । काठमाडौंको भद्रकालीमा शुक्रबार बिहान स्कुटर दुर्घटना हुँदा एकजनाको मृत्यु भएको छ । अर्का एकजना गम्भीर घाइते भएका छन् ।
शुक्रबार बिहान सवा ४ बजे बा ९१ प ८१९ नम्बरको स्कुटर भद्रकाली पुल नजिकै सडक किनारको बिजुलीको पोलमा ठोक्किएर दुर्घटना भएको हो ।
दुर्घटनामा काभ्रेपलाञ्चोक शिखर आमबोडे गाउँपालिका ८ का २६ वर्षीय सञ्जिव लामाको मृत्यु भएको हो । उनको घटनास्थलमै मृत्यु भएको ट्राफिक प्रहरी महाशाखाले जनाएको छ ।
स्कुटरमा पछाडि सवार नामथर नखुलेका अन्दाजी २७ वर्षीय पुरुष ब्यक्ति गम्भीर घाइते भएका छन् । उनको ट्रमा सेन्टरमा उपचार भैरहेको छ ।