असार १९, काठमाण्डौ । भारतीय प्रधानमन्त्री नरेन्द्र मोदी शुक्रबार लद्दाखको लेह पुगेका छन् । प्रधानमन्त्री मोदीसँगै चीफ अफ डिफेन्स स्टाफ सीडीएफ जनरल बिपिन रावत र अन्य वरिष्ठ अधिकारी पनि लेह पुगेका हुन् ।
भारत–चीन सीमा क्षेत्रमा भएको झडपपछिको अवस्थाबारे बुझ्न र समीक्षा गर्न प्रधानमन्त्री लेह पुगेको भारतीय सञ्चारमाध्यमले जनाएका छन् । गएको १५ जुनमा चिनियाँ सेनासँगको सङ्घर्षको क्रममा २० जना भारतीय सैनिकको ज्यान गएको थियो ।