विश्वभर कोरोनाबाट ज्यान गुमाउनेको सङ्ख्या साढे ७ लाख नाघ्यो !

साउन ३०, काठमाडौं । कोरोना भाइरसका कारण विश्वभर ज्यान गुमाउनेको संख्या ७ लाख ५२ हजार ७०८ पुगेको छ । वर्ल्डोमिटरको तथ्याङ्कअनुसार विश्वभरका २ करोड १० लाख ६८ हजार ८ सय संक्रमितमध्ये साढे सात लाखको मृत्यु भएको छ । त्यस्तै, हालसम्म १ करोड ३८ लाख ९५ हजार ४५६ जना पूर्ण रूपमा निको भएका छन् । अमेरिकामा हालसम्म कै सर्वाधिक १ लाख ७० हजार ३६० जनाको मृत्यु भएको छ। त्यस्तै दोस्रो स्थानको ब्राजिलका १ लाख ५ हजार ५६४ जनाले कोरोनाकै कारण ज्यान गुमाएका छन् ।

तेस्रो सर्वाधिक मृत्यु हुने छिमेकी देश भारतमा हालसम्म ४८ हजार १४४ जनाको कोरोना भाइरसले ज्यान लिएको छ । अमेरिकामा देखिएका ५४ लाख १४ हजार ४४३ जना संक्रमितमध्ये २८ लाख ३ हजार २९० जना निको भएका छन् । त्यस्तै ब्राजिलमा हालसम्म ३२ लाख २९ हजार ६२१ जनामा संक्रमण पुष्टि भएको छ भने २ लाख ५६ हजार ६४० निको भएका छन् । २४ लाख ५९ हजार ६१३ जना भारतीय संक्रमितमध्ये १७ लाख ५० हजार निको भएका छन् ।

संम्बन्धित समचार

Leave a Reply