जेठ १३,काठमाडौँ । प्रधानमन्त्री केपी शर्मा ओलीले सरकारको वार्षिक नीति तथा कार्यक्रमबारे उठेका प्रश्नको आज संसदमा जवाफ दिने भएका छन ।
प्रधानमन्त्री ओलीले जेठ ७ गते राष्ट्रपति विद्यादेवी भण्डारीले संघीय संसदको संयुक्त बैठकमा पेश गरेको नीति तथा कार्यक्रममा छलफलमा सहभागि सांसदहरुले उठाएको प्रश्नको जवाफ दिन लागेका हुन ।
जवाफका लागि प्रतिनिधिसभाको बैठक आज विहान ११ बजे बोलाइएको छ । छलफलका क्रममा सत्तापक्षका सांसदहरुले नीति कार्यक्रमको समर्थन गर्दै कतिपय विषय थप गर्न सुझाव दिएका छन् । प्रतिपक्षी दलका सांसदहरुले भने सरकारले पेश गरेको कार्यक्रमको प्राथमिकतामाथि नै प्रश्न उठाएका छन् ।