नेप्सेमा व्यापार समूहबाहेक अरु सबै समूहको परिसूचक घट्यो

जेठ १४,काठमाडौँ । कारोबार भएकामा धेरै जसो कम्पनीको शेयरको मूल्य घटेपछि शेयर बजार परिसूचक नेप्से आज पनि घटेर १३ सय बिन्दुमा पुगेको छ ।

गएको बिहीबार १० अंकले घटेको नेप्से आज भने १७ दशमलव ८१ अंकले घटेको हो । वैशाख ९ गते १४ सय ३८ अंकमा रहेको नेप्से एक महिनाको अवधिमा घटेर १३ सय बिन्दुमा पुगेको हो ।

कारोबार भएकामा व्यापार समूहबाहेक अरु सबै समूहको परिसूचक घटेका कारण नेप्से आज घटेको हो । बजार घटे पनि आज कारोबार रकम भने बढेको छ ।
बिहीबार ३८ करोडको शेयर किनेबेच भएकोमा आज भने डेढ करोड बढीको कारोबार भएको नेपाल स्टक एक्स्चेञ्जले जनाएको छ ।