माघ २३,काठमाडौँ । सत्तापक्षले आज गरेको आमसभामा नागरिकको उपस्थिती न्युन देखिएको छ । नेपाल कम्युनिष्ट पार्टी (नेकपा)को ओली समुहले आज शक्ति प्रदर्शनको रुपमा लिएको नारायणहिटी अगाडीको प्रदर्शनमा देशभरबाट नागरिकको उपस्थिती भनेपनि अत्यन्तै न्युन संख्यमा कार्यकर्ताको उपस्थिती रहेको हो ।
माघ ९ गते माधव–प्रचण्ड समुहलाई ओलीले टिप्पणी गर्दै उनिहरुको आन्दोलनमा केही मानिस आएछन भन्ने तर्क गरेका थिए । उनले वास्तविक सभा माघ २३ गते हेर्न आह्वान गरेका थिए । यद्यपी ओलीको भरपुर तयारी कमजोर देखिएको छ । ३ लाख उपस्थिती गराउने भनेको आमसभामा १३ हजार नागरिकको पनि उपस्थिती देखिएको थिएन् ।
सभामा ओलीले इतिहासकै सबैभन्दा ठुलो सभा भनेर पटक–पटक भनेका थिए । देशभरबाट बस र साना गाडीमा कार्यकर्ता ओसारेको भनिएतापनि ओलीले भने अनुरुपको नागरिक उपस्थिती नभएपछि ओली समुह निराश बनेको उनी निकट कै नेताहरु बताउछन् ।
३ लाख मान्छे उतार्ने भनिए पनि ५० देखि ६० हजार जना उपस्थित गराउनैपर्ने तयारी थियो। तर, प्रधानमन्त्रीको पछिल्लो असंवैधानिक कदम र बिग्रँदो राजनीतिक घटनाक्रमले जनता यस्ता कार्यक्रममा सामेल हुन दिक्क मान्दै गरेको प्रतित भएको देखिन्छ। सरकारी स्तरको शक्ति प्रर्दशनमा आदिवासी जनजाति महासंघको व्यानरबाहेक कार्यक्रमस्थलमा संस्थागत उपस्थिति खासै देखिएको छैन।