बैशाख १२, काठमाण्डौ । संविधानसभाका दुई पूर्व सभासद्को मृत्यु भएको छ । कोरोना संक्रमणका कारण उपचाररत बाँकेकी कांग्रेस नेतृ मोहम्मदी सिद्धिकीको शनिवार साझ उपचारका क्रममा मृत्यु भएको हो । सिद्धिकी २०६४ सालको संविधानसभामा कांग्रेसको तर्फबाट समानुपातिक सभासद थिइन् ।
शनिवार नै पूर्व सांसद लक्ष्मण राजवंशीको निधन भयो । काठमाडौंको सिद्धार्थ वनस्थली स्कुलका संस्थापक समेत रहेका राजवंशीको शनिवार निधन भएको हो । उनी २०७० सालको संविधानसभामा नेपाः राष्ट्रिय पार्टीको तर्फबाट सांसद थिए ।