असार २७ काठमाडौं । अमेरिकामा स्वास्थ्य परीक्षण गरेर उनी ९ जुलाईमा स्वदेश फर्किएका हुन् । उनलाई स्वागत गर्न चेन्नई एयरपोर्टमा फ्यानको भिड लागेको थियो । रजनीकान्तका साथ उनको श्रीमती लता पनि अमेरिका गएकी थिइन् ।
रजनीकान्त हरेक वर्ष नियमित स्वास्थ्य चेकअपका लागि अमेरिका जाने गर्दछन् । यो पटक उनी १८ जुनमा अमेरिका उडेका थिए । उनी स्वास्थ्य परिक्षणका लागि केही समय अगाडि नै अमेरिका उड्नुपर्ने थियो । कोरोनाको कहरका कारण गरिएको लकडाउन र फिल्म सुटिङले जान सकेका थिएनन् । रजनीकान्तले २०१६ मा अमेरिकामै मृगौला प्रत्यारोपण गराएका थिए ।
रजनीकान्त पछिल्लो समय फिल्म ‘अन्नथे’ को काममा ब्यस्त छन् । फिल्मको १५ दिनको सुटिङ बाँकी रहेको छ । डाक्टरले उनलाई तत्कालै सुटिङ नगर्न सल्लाह दिएको भारतीय मिडियाले जनाएका छन् ।
