एभर्टनलाई नयाँ खेलाडी अनुबन्ध गर्न प्रतिबन्धसहित जरिवाना

कात्तिक २४, काठमाडौं । प्रिमियर लिगले इंग्लिस फुटबल क्लब एभर्टनलाई २ वर्षको प्रतिबन्ध लगाएको छ ।

खेलाडी अनुबन्धको नियम उल्लंघन गरेपछि एभर्टनले आगामी दुई वर्षसम्म क्लबको एकेडेमीका लागि नयाँ खेलाडी अनुबन्ध गर्न नपाउने भएको हो । क्लबलाई ५ लाख पाउण्ड जरिवानासमेत गराइएको छ । एभर्टनले सन् २०१६ मा कार्डिफ सिटीका युवा खेलाडी भित्र्याउँदा प्रिमियर लिगको नियम तोडेको बताइएको छ ।

अब एभर्टनले आफ्नो एकेडमीका लागि १० वर्षदेखि १८ वर्षसम्मका खेलाडीलाई २ वर्षसम्म किनबेच गर्न पाउने छैन ।