फागुन २२, काठमाडौँ । सभामुख अग्निप्रसाद सापकोटाले कार्यव्यवस्था परामर्श समितिको बैठक बोलाएका छन् । आजको प्रतिनिधिसभा बैठकअघि नयाँ बानेश्वरस्थित संघीय संसद् भवनमा बिहान साढे ११ बजेका लागि बैठक बोलाएका हुन् ।
कार्यव्यवस्थाको बैठकमा संसद् बैठकको कार्यसूचीबारे छलफल हुने जनाइएको छ । बैठकले कार्यसूचीलाई अन्तिम रूप दिनेछ । बैठकमा संसद्मा जारी अवरोध हटाउने विषयमा पनि छलफल हुनेछ ।
प्रतिनिधिसभाको बैठक आज दिउँसो १ बजे बस्ने छ ।