बुद्ध पूर्णिमामा भारतीय प्रधानमन्त्री मोदी नेपाल आउने

बैशाख २०, काठमाडौँ । भारतीय प्रधानमन्त्री नरेन्द्र मोदी नेपाल भ्रमणमा आउने भएका छन् । बुद्ध पूर्णिमाको दिन जेठ २ गते नेपाल भ्रमणमा आउने भएका हुन् । मोदीलाई युनेस्कोले विश्व सम्पदा सूचीमा सूचीकृत बुद्धको जन्मस्थल लुम्बिनीको नेपाल भ्रमण गर्ने योजना बनाएको भारतीय पत्रिका द हिन्दुले लेखेको छ ।

कोभिड-१९ महामारीको पछिल्लो ओमिक्रोनपछि अन्तर्राष्ट्रिय यात्रा पुनः सुरु गरेपछि प्रधानमन्त्री मोदीले मे महिनामा गर्ने तीनवटा भ्रमणमध्येको एक नेपाल भ्रमण हो । उनी हाल युरोप भ्रमण गर्दैछन् र जापानमा क्वाड शिखर सम्मेलनको लागि पूर्व यात्रा गर्ने कार्यतालिका छ ।

मोदीको नेपाल भ्रमण केही घण्टा मात्र चल्ने छ । उनले २५०० वर्षअघि राजकुमार सिद्धार्थ गौतमका रूपमा जन्मिएका बुद्धको जन्मस्थल मायादेवी मन्दिरमा श्रद्धाञ्जली अर्पण गर्ने अपेक्षा गरिएको छ । मायादेवी मन्दिरमा दीप प्रज्वलन कार्यक्रममा नेपालका प्रधानमन्त्री शेरबहादुर देउवा र भारतीय प्रधानमन्त्री मोदी सहभागी हुने मन्दिरका संञ्चालकले स्थानीय सञ्चारमाध्यमलाई बताएका छन् ।

स्रोतका अनुसार परराष्ट्र मन्त्रालय र सुरक्षा अधिकारीहरूले भ्रमणका लागि नेपाल सरकारका अधिकारीहरूसँगै परराष्ट्र तथा संस्कृति मन्त्रालयका अधिकारीहरूले पनि भ्रमणको व्यवस्थाको अनुगमन गरिसकेको द हिन्दुले लेखेको छ । मोदी दिल्लीबाट भर्खरै उद्घाटन गरिएको कुशीनगर अन्तर्राष्ट्रिय विमानस्थलको लागि उडान गर्नेछन्, र त्यसपछि हेलिकप्टरबाट भारत-नेपाल सीमाबाट केही दूरीमा रहेको लुम्बिनी जाने द हिन्दुले लेखेको छ ।

सन् २०१९ मा पुनः निर्वाचित भएपछि मोदीको यो पहिलो नेपाल भ्रमण हो । विगतमा लुम्बिनी भ्रमण गर्ने योजना रहेको उनले २०१४ मा गर्ने घोषणा गरेका थिए । विभिन्न परिस्थितिका कारण धेरै अवसरमा स्थगित गरिएको थियो ।