एभरेष्ट बैंकको नाफा र ब्याज आम्दानी दुवै बढ्यो

साउन २१, काठमाण्डौँ ।  एभरेष्ट बैंकले गत आर्थिक वर्ष २०८०/८१ को अपिरिष्कृत वित्तीय विवरण प्रकाशित गरेको छ । प्रकाशित विवरणअनुसार बैंकले समीक्षा अवधिमा ३ अर्ब ७० करोड ६ लाख रुपियाँ नाफा गरेको छ । अघिल्लो आवको तुलनामा नाफा १०.०७ प्रतिशत बढेको हो । अघिल्लो आवमा बैंकको यस्तो नाफा ३ अर्ब ३६ करोड २१ लाख रुपियाँ थियो ।

त्यस्तै, समीक्षा अवधिमा बैंकले ७ अर्ब ६६ करोड रुपियाँ खुद ब्याज आम्दानी गरेको छ । अघिल्लो आवको सोही अवधिमा ७ अर्ब ४१ करोड रुपियाँ खुद ब्याज आम्दानी गरेको थियो ।

११ अर्ब ७६ करोड रुपियाँ चुक्ता पुँजी रहेको जगेडा कोषमा १२ अर्ब २५ करोड रुपियाँ सञ्चित छ ।