९ महिनामा करिब ५८ अर्ब रुपैयाँ बराबरको विदेशी लगानी प्रतिबद्धता

  • अनलाइन केन्द्र
  • / अर्थ बजार /
  • २०८२ बैशाख २, मंगलबार (४ दिन अघि)
  • ४१ पटक पढिएको
९ महिनामा करिब ५८ अर्ब रुपैयाँ बराबरको विदेशी लगानी प्रतिबद्धता

बैशाख २,काठमाडौँ । चालु आर्थिक वर्षको ९ महिनामा नेपालले करिब ५८ अर्ब रुपैयाँ बराबरको विदेशी लगानी प्रतिबद्धता प्राप्त गरेकोे छ ।

विदेशी लगानीकर्ताले साउनदेखि चैतसम्म ५७ अर्ब ९७ करोड ५४ लाख रुपैयाँ बराबरको लगानी प्रतिबद्धता जनाएका उद्योग विभागले जनाएको छ ।

चैत महिनामा मात्र १३ अर्ब १७ करोड रुपैयाँ बराबरको वैदेशिक लगानी प्रतिबद्धता आएको छ । यो अघिल्लो वर्षको चैतको तुलनामा झन्डै १३ गुणा बढी हो ।

तथ्याङ्कअनुसार यस वर्ष ९ महिनामा कुल ४ सय ८० वटा उद्योग दर्ता भएका छन् । तीमध्ये चैतमा मात्र ५३ उद्योग दर्ता भएको छ ।

उद्योग वर्गीकरणअनुसार पर्यटन र सूचना प्रविधि ९आईटी० क्षेत्रमा सबैभन्दा बढी वैदेशिक लगानी प्रतिबद्धता आएको छ । पर्यटनसँग सम्बन्धित १८९ र आईटीसँग सम्बन्धित १८५ उद्योग दर्ता भएका ।

यस्तै, सेवा क्षेत्रमा ६३, उत्पादनमा ३४, कृषि क्षेत्रमा ७, ऊर्जा र पूर्वाधारमा एकरएक उद्योग दर्ता भएका छन् ।

रकमका हिसाबले हेर्दा सबैभन्दा धेरै सेवा क्षेत्रमा ३४ अर्ब ९२ करोड र पर्यटनमा १८ अर्ब ३८ करोड रुपैयाँ बराबर लगानी प्रतिबद्धता रहेको विभागले जनाएको छ ।

९ महिनामा प्राप्त प्रतिबद्धता बमोजिम वैदेशिक लगानी भित्रिएमा थप १२ हजार ४३५ जनाले रोजगारी पाउनेछन् ।

ताजा अपडेट

खोजी गर्नुहोस