‘ड्रिम गर्ल’को व्यापार उत्साहजनक, चार दिनमै ५२ करोड कमायाे

भाद्र ३१, काठमाडौं । आयुष्मान खुरानाको मुख्य भूमिका रहेको चलचित्र ‘ड्रिम गर्ल’ले भारतीय बक्स अफिसमा उत्साहजनक व्यपार गरेको छ।

शुक्रबारबाट प्रदर्शनमा आएको चलचित्रले चार दिनमा ५२ करोडको व्यापार गरेको बलिउड व्यापार विश्लेषक तरण आदर्शले ट्वीट गरेर जानकारी दिएका छन्।

पहिलो दिन शुक्रबार १०.०५ करोडको व्यापार गरेको चलचित्रले दोस्रो दिन शनिबार १६.६२ करोड, तेस्रो दिन आइतबार १८.१० करोड र चौथो दिन सोमबार ७.७३ करोडको व्यापार गरेको छ।

#DreamGirl consolidates and cements its status… Is a bonafide success, with Day 4 [working day] showing negligible decline [despite *lower ticket rates* on weekdays]… Fri 10.05 cr, Sat 16.42 cr, Sun 18.10 cr, Mon 7.43 cr. Total: ₹ 52 cr. #India biz. 👍👍👍

— taran adarsh (@taran_adarsh) September 17, 2019

राम्रो ‘माउथ पब्लिसिटी’ का कारण चलचित्रको व्यापारमा सहयोग पुगेको बताइएको छ। चलचित्र विश्लेषकहरुले पनि चलचित्रको प्रशंसा गरेका छन्।

राज शाडिल्यको निर्देशनमा बनेको चलचित्रमा आयुष्मानसहित नुशरत भरुचा, अन्नु कपुर, अभिषेक बनर्जी र विजयराज लगायतको मुख्य अभिनय रहेको छ। चलचित्रमा केटीको आवाजमा कुरा गर्ने एक युवाको कथा देखाइएको छ।

आयुष्मानले केही समयअघि चलचित्र ‘अन्धाधुन’मा गरेको उत्कृष्ट अभिनयका लागि ‘नेशनल अवार्ड’ समेत पाएका थिए।