काँग्रेसमा गुट छैन, गलत हल्ला नफिँजाउनुस्: सभापति देउवा

बैशाख ९, झापा । नेपाली कांग्रेसका सभापति शेरबहादुर देउवाले काङ्ग्रेस गुटले आक्रान्त भएको भन्दै गलत हल्ला फैलाएर पार्टीलाई बदनाम नगराउन चेतावनी दिएका छन् । देउवाले काङ्ग्रेस कमजोर प्रतिपक्ष नभएको दाबी गर्दै संसदमा प्रतिपक्षको भूमिका निर्वाह गरेपनि कहिल्यै कमजोर नभएको बताए । उनले कांग्रेस कमजोर भयो भन्दै बद्नाम नगर्न अनुरोध पनि गरे ।

उनले वर्तमान केपी शर्मा ओली नेतृत्वको सरकार अधिनायकवादतर्फ उन्मुख भएको आरोप लगाए ।

भोट अन्य पार्टीलाई दिएर कांग्रेसलाई गाली नगर्न अनुरोध गरेका छन । सोमबार प्रधानमन्त्री केपी शर्मा ओलीको गृह जिल्ला झापा पुगेका देउवाले झापाको चन्द्रगढी विमानस्थलमा सोमबार पत्रकारसँगको कुराकानीमा पत्रकारहरूलालाई नै प्रतिप्रश्न गर्दै भने ‘अरूलाई भोट दिएर कांग्रेसलाई कमजोर भयो भन्ने ?’