कोरोना भाइरसविरुद्ध साझा धारणा आवश्यक : बंगलादेशी प्रधानमन्त्री हसिना

चैत्र २, काठमाडौं । बंगलादेशकी प्रधान्त्री शेख हसिनाले कोरोना भाइरसविरुद्ध साझा धारणा आवश्यक रहेको बताउँदै आफ्नो मुलुकमा कुनै हालसम्म तीन जनामा संक्रमण देखा परेको र उनीहरु सबैलाई निको भइसकेको बताएकी छन् । कोरोना भाइरसविरुद्ध साझा रणनीति बनाउन सार्कका नेताहरुको भिडियो कन्फरेन्समा बोल्दै प्रधानमन्त्री हसिनाले बंगलादेशका स्थानीय क्षेत्रमा कोही पनि संक्रमित नरहेको जानकारी दिइन् ।
उनले सबै मन्त्रालयबीच सबै स्तरमा सहकार्य अघि बढाएको बताइन् । कोरोना संक्रमण नियन्त्रणका लागि सामाजिक सञ्जालमा सूचना जारी गरिएको जनाइन् । उनले भनिन, ‘हामीले नयाँ अस्पतालहरु छुट्याएका छौं । हरेक जिल्लामा बेड छुट्याएका छौं । आवश्यक परे अस्थायी अस्पताल बनाउन तयारी गरेका छौं । व्यक्तिगत स्वाथ्यमा ध्यान दिन समेत मातहतका निकायलाई निर्देशन दिएका छौं ।’ कोरोना भाइरसविरुद्धको लडाईंमा सहकार्य गर्न उनले आह्वान गरिन् । दक्षिण एसियाली मुलुकहरुले सहायता गर्न आवश्यक रहेको उनको धारणा थियो ।