चीनका प्रधानमन्त्री लि छयाङ नेपाल भ्रमणमा आउँदै

  • अनलाइन केन्द्र
  • / राजनीति /
  • २०८१ माघ २९, मंगलबार (२ महिना अघि)
  • ५२ पटक पढिएको
चीनका प्रधानमन्त्री लि छयाङ नेपाल भ्रमणमा आउँदै

माघ २९, काठमाण्डौँ । प्रधानमन्त्री केपी शर्मा ओलीको निमन्त्रणामा चीनका प्रधानमन्त्री लि छयाङ नेतृत्वको एउटा प्रतिनिधि मण्डलले नेपालको भ्रमण गर्ने भएको छ ।
सरकारी स्रोतका अनुसार नेपालमा चिनियाँ ठेकेदार कम्पनीले बनाएका कुनै एउटा ठुलो योजनाको उद्घाटन गराउनेगरि प्रधानमन्त्री छयाङलाई नेपाल भ्रमण गराउने तयारी भइरहेको हो । यो भ्रमण फागुनको दोस्रो साता वा फागुनभरिमा गराउने योजना सरकारको छ ।

सरकारी स्रोतका अनुसार कुन योजना भन्ने तय भएको छैन् । सबै योजना निर्माणाधीन अवस्थामा रहेकाले त्यसको यकिन भइसकेको छैन् । तर सम्भव भएसम्म टोखा छहरे सुरुङ मार्ग वा अन्य कुनै योजना चाँडै सम्पन्न् गरेर प्रधानमन्त्री छयाङको भ्रमण मिति तय हुनेछ ।

परराष्ट्र मन्त्रालयले तीन चरणमा प्रधानमन्त्री छयाङको भ्रमणका लागि विभिन्न निकायसँग छलफल गरिसकेको छ । यस्तै सुरक्षा निकायलाई समेत यसको अनौपचारिक जानकारी गराउँदै आवश्यक तयारीमा जुट्न प्रधानमन्त्री कार्यालयले निर्देशन दिएको स्रोतले जनाएको छ । प्रधानमन्त्री केपी शर्मा ओलीले मंसिरमा गरेको चीन भ्रमणमा समकक्षि छयाङलाई नेपाल भ्रमणको निम्ता दिएका थिए । प्रधानमन्त्री ओलीले यो भ्रमणका लागि संक्रियता देखाएका छन् ।

ताजा अपडेट

खोजी गर्नुहोस