मनसुन निष्क्रिय भएपछि मौसम सफा , काठमाण्डौ घमाइलो

आश्विन ३१,काठमाडौँ । जाडोयाम सुरु हुन थालेसँगै बिहान र बेलुकाको समयमा चिसो हुन थालेको छ । उल्लेखनीय रुपमा तापक्रम नघटे पनि जाडोयाम सुरु हुन थालेसँगै बिहान र बेलुका चिसो हुन थालेको हो।

दिउँसोको समयमा भने गर्मी नै छ । बिहान केहीबेर चिसो भए पनि त्यसपछि घाम लाग्ने गरेको छ । दिउँसो घाम चर्किने गरेकाले गर्मी नै छ ।

यसपालिको मनसुन बाहिरिसकेको छ । अब केहीदिन खासै पानी पर्ने सम्भावना नरहेकाले दिन घमाइलो हुने मौसमविद् हिरा भट्टराईले जानकारी दिए ।

मनसुन बाहिरिएर मौसम खुलेसँगै काठमाण्डौ उपत्यकाबाट आसपासमा रहेका हिमाल छर्लङ्ग देखिन थालेका छन् ।