धादिङमा बिनोद उप्रेतीको अध्यक्षतामा किवानीस क्लब स्थापना

पुस १०,धादिङ  “Serving the Children of the World” अर्थात ” विश्वभरका बालबालिकाहरूको सेवा” भन्ने मुख्य उद्देश्यका साथ सन् १९१५ मा अमेरिकाको मिशिगन राज्यमा स्थापना भएको किवानीस क्लबको नेपालमा १०० औँ शाखाको रुपमा धादिङ जिल्लाको धुनिबेशी नगरपालिकामा बिनोद कुमार उप्रेतीको अध्यक्षतामा किवानीस क्लब अफ स्मार्ट धुनिबेशी स्थापना भएको छ।

संस्थापक बोर्डको अध्यक्षमा बिनोद कुमार उप्रेती, President Elect मा शदिप बिक्रम शाह र अन्य पदाधिकारीहरुमा किरण उप्रेती, धन बहादुर तामाङ, शिला वस्ती, अनिल बानियाँ, अक्रुर रुपाखेती र अभिशेक पाठक र अन्य ८ जना संस्थापक सदस्यहरु छन्।

किवानीस क्लब एक अन्तर्राष्ट्रिय गैर-नाफामूलक संस्था हो, जसको मुख्य उद्देश्य विश्वभरिका बालबालिकाहरूको जीवनस्तर सुधार गर्नु हो। यसको स्थापना १९१५ मा अमेरिकामा भएको थियो, र हाल विश्वभरि हजारौं क्लबहरू मार्फत सामाजिक सेवाका कार्यक्रमहरू सञ्चालन गरिरहेको छ। नेपालमा किवानीस क्लबको स्थापना र विकास: नेपालमा किवानीस क्लबको यात्रा २०१५ मा दुई क्लबहरूको स्थापना संगै सुरु भयो किवानिस क्लव अफ लुम्बिनी नेपाल र किवानिस क्लव काठमाडौँ नेपाल।

२०१६ मा, कोरियाको जेजूमा आयोजित ४२औं ASPAC Convention मा नेपालले पाँच क्लबहरूको स्थापना संगै Kiwanis Nation को मान्यता प्राप्त गर्यो। २०१७ को अक्टोबरमा १० क्लबहरूको स्थापना संगै नेपाल Kiwanis Provisional District बन्यो। २०१९ मा, किवानिस अन्तराष्ट्रिय बोर्डले नेपाललाई आधिकारिक जिल्ला (District) को मान्यता दियो, जसमा ५१ क्लबहरू र १००० भन्दा बढी सदस्यहरू थिए। नेपालमा किवानिस क्लवहरूको संजाल हालसम्म नेपालमा १० वटा डिभिजनहरूमा विभाजित १०० क्लबहरू छन्, जसमा करिब १८२७ सदस्यहरू सक्रिय रूपमा संलग्न छन्। किवानिस क्लव अफ स्मार्ट धुनिवेशी पछिल्लो मान्यता प्राप्त १०० औं क्लब हो।