यसकारण स्विकारेनन् रोनाल्डोले बलत्कारको आरोप !

असोज १९, काठमाडौं । विश्वप्रसिद्ध फुटबल खेलाडी क्रिस्टियानो रोनाल्डोले पूर्वअमेरिकी मोडेलले आफूमाथि लगाएको यौनशोषणको आरोपको खन्डन गरेका छन् ।

अमेरिकी मोडेलले सन् २००९ मा आफूलाई रोनाल्डोले बलात्कार गरेको आरोप लगाएकी छन् ।

रोनाल्डोकाविरुद्धमा लास भेगासको प्रहरीले अनुसन्धान गर्ने यसै साता बताइसकेको छ ।

पोर्चुगाली यी फुटबल खेलाडीले आफूमाथि लागेको आरोपमा सत्यता नरहेको बताएका छन् ।

‘मेराविरुद्ध प्रहरीले गर्ने भनिएको छानबिनको कुनै आवश्यकता नै छैन’–३३ वर्षीय रोनाल्डोले भनेका छन्–‘बलात्कार घृणित अपराध हो ।’

उनी अहिले इटालीको युभेन्टस क्लबबाट खेल्ने गर्दछन् ।

प्रहरीले ‘पीडित’को नाम सार्वजनिक गरेको छैन ।