सन्दीप लामिछाने अष्ट्रेलिया प्रस्थान

जेठ ७, काठमाडौँ । नेपाली क्रिकेटर सन्दीप लामिछाने अष्ट्रेलिया प्रस्थान गरेका छन् । केही साताअघि मात्रै इन्डियन प्रिमियर लिग खेलेर भारतबाट काठमाडौं फर्किएका हुन् ।

गृहनगर चितवन पुगेर परिवारसँग केही दिन बिताएका सन्दीप अष्ट्रेलिया गएका हुन् । अष्ट्रेलियामा रहँदा सन्दीपले नेपाली क्रिकेटको विकाससँगै अन्य नेपाली खेलाडीलाई समेत प्रशिक्षणका लागि त्यहाँ वातावरण मिलाउने गरी छलफल गर्ने बताएका छन् ।

सन्दीप आगामी जुन दोस्रो साता नेपाल फर्कनेछन् ।