पाकिस्तानमा बाढीबाट एक हजारभन्दा धेरैको मृत्यु

भाद् १२, काठमाण्डौ । पाकिस्तानको आधाभन्दा धेरै भाग अहिले बाढीको चपेटामा परेको छ । पाकिस्तानी सञ्चारमाध्यमहरुका अनुसार बाढीको कारण अहिलेसम्म तीन सय बालबालिकासहित एक हजारभन्दा धेरैको मृत्यु भएको छ ।

सरकारी तथ्यांक उल्लेख गर्दै डान अखबारले तीन करोड ३० लाखभन्दा धेरै मानिस बाढीको कारण प्रभावित भएको उल्लेख गरेको छ । सिन्ध, बलुचिस्तान र खैबर पख्तुनख्वाहमा बाढीको असर सबैभन्दा धेरै देखिएको छ। अहिलेसम्म सिन्धमा सबैभन्दा धेरै ३३९ जनाको मृत्यु भएको छ ।