यसरी जोगियो कर्णाली प्रदेशका मुख्यमन्त्री शाहीको पद !

बैशाख ४,काठमाडौँ । नेकपा एमालेका चार प्रदेशसभा सदस्यले फ्लोर क्रस गरेपछि कर्णाली प्रदेशका मुख्यमन्त्री महेन्द्रबहादुर शाहीको पद जोगिएको छ ।

आफूलाई प्रदेशसभाको विश्वास छ भनी मुख्यमन्त्री शाहीले राखेको प्रस्तावको पक्षमा २२ मत परेको छ । आफूलाई प्रदेशसभाको विश्वास छ भनी मुख्यमन्त्री शाहीले राखेको प्रस्तावको पक्षमा जम्मा २२ मत परेको र उक्त संख्या प्रदेशसभामा कायम रहेको सदस्य संख्याको बहुमत भएको सभामुख राजबहादुर शाहीले घोषणा गरे ।

प्रदेशसभाका ३९ सांसदमध्ये ३७ प्रदेशसभा सदस्यले मतदानमा भाग लिएका थिए । प्रस्तावको विपक्षमा १५ मत मात्र परेको छ । एक प्रदेशसभा सदस्य भएको राप्रपा भने तटस्थ बसेको थियो ।

यसरी जोगियो मुख्यमन्त्री शाहीको पद

मुख्यमन्त्री शाहीलाई नेपाली कांग्रेसले मत दिएको छ । कांग्रेस संसदीय दलका नेता जीवनबहादुर शाहीले प्रदेशसभालाई सम्बोधन गर्दै शाहीलाई मत दिने बताएका थिए । आफूहरुले मत दिँदा पनि बहुमत नपुग्ने भन्दै उनले भनेका थिए, जो कमजोर छ, उसलाई मत दिन्छौं । हामीलाई सत्ताको लोभ छैन ।’

शाहीले घोषणा गरे जस्तै कांग्रेसका ६ प्रदेशसभा सदस्यले शाहीलाई मत दिएका छन् ।

चार सांसदको फ्लोर क्रस

माओवादी केन्द्रका १२ र कांग्रेसका ६ सांसदको मतले मुख्यमन्त्री शाहीलाई बहुमत पुग्दैनथ्यो । तर नेकपा एमालेका चार सांसदले पार्टीको हृवीप उल्लंघन गर्दै फ्लोर क्रस गरे र, मुख्यमन्त्री शाहीको सरकार जोगाएका छन् ।

एमाले प्रदेशसभा सदस्यहरु प्रकाश ज्वाला, कुर्मराज शाही, नन्दसिंह बुढा र अमर थापाले मुख्यमन्त्री शाहीलाई मत दिएका हुन् । फ्लोर क्रस गर्ने सांसद ज्वाला र नन्दसिंह बुढा यसअघि शाही नेतृत्वको मन्त्रिपरिषदमा मन्त्री थिए ।

प्रदेशसभामा मुख्यमन्त्रीको विश्वासको मतसम्बन्धी प्रस्तावमा मतदान हुने दिन एमालेले मुख्यमन्त्रीको विपक्षमा मतदान गर्न आफ्ना सांसदलाई हृवीप जारी गरेको थियो ।

(Visited 1 times, 1 visits today)

Related posts

तपाइलाइ कस्ताे लाग्याे ?