जेठ ८, काठमाण्डौ । उदयपुरको कटारी नगरपालिका–११ गोठडाँडामा चटयाङ लागेर एक युवतीको मृत्यु भएको छ । घरमा बसिरहेको बेला वर्षातसँगै परेको चट्याङले लागेर स्थानीय ४५ वर्षीया भक्तकुमारी बुढाथोकीको मृत्यु भएको प्रहरी निरीक्षक मोहन थापाले बताए । चट्याङ लागेर घाइते बुढाथोकीको उपचारको क्रममा मध्याह्न मृत्यु भएको प्रहरी निरीक्षक थापाले बताए ।
यस्तै दक्षिणी धादिङको महाभारत क्षेत्र अन्तरगत चेपाङ गाउँमा शनिबार राती चट्याङ पर्दा दुई जना घाइते भएका छन् । बेनिघाट रोराङ गाउँपालिका वडा नम्बर ८ स्थित दार्गाजुममा चट्याङ लाग्दा दुई जना चेपाङ घाईते भएका हुन् । घरमा बसीरहेको अवस्थामा चट्याङ लाग्दा ६२ वर्षीय चन्द्र बहादुर चेपाङ र ४३ वर्षीय सम्झना चेपाङ घाईते भएको इलाका प्रहरी कार्यालय गजुरीका प्रमुख प्रहरी नायव उपरिक्षक भावेशरिमालले बताए । घाइते दुवै श्रीमान श्रीमती हुन् । घाइते दुबैजनाको अहिले विदाङ स्वास्थ्य चौंकीमा उपचार भइरहेको घाइतेका छोरा शरण चेपाङले जानकारी दिए ।
